KEd kandi li KEd Studio kiliri kibaaja benewitu abagweeti bagakola higulu lyo kutabaala indeto yitu Kifuliiru itatereke bakola higulu Umufuliiru yeeshi akole ikitaabo. Guno mukolwa gwakolwa ku kyanya kiija bweneene higulu Abafuliiru hooshi ho tuliri tugweeti tugaboka kwo kikola kyanya kino kyo kukola tuzamuule indeto yitu. Kino kibaaja kiliri ku Internet ku hishongero kandi li link ked.kifuliiru.com. Ukudeta kwo uyandike ikitaabo bihuniri ubere ugweeti ikinabweenge kandi li ulujegeejo. Unayingirage ugayamibona nga ngisi kwo kino kizunguza ikiri hano kiyeresiri. Twabayegera ukudeta kwo tumenye bingi ku ngisi kwo buhangisiri ukutabaala indeto yitu mu ino njira, batubwira bino:

1. Umuundu yeeshi angayandika. Kifwe kibere naho Kifuliiru. 2. Ukwaniini ukuhisa naho ikartasi zibiri no kugenderera. Batuyerekeza kwo basiima ukubiika ikartasi niniini higulu abayandika batakengeri luha hakiri kare. Na kungisi abagasoma, bakakizi soma banasobanukirwe. 3. Ngisi yeeshi uwangasiima ukugenda hala ukutambusa yizo kartasi zibiri nayehe ayamerirwi bweneene.

Ikibaaja bene kino kigatabala abashuba mukizisima ukuyandika indeto yitu banabuule ngisi ho bagaleenga.

Kino kibaaja kiliri nge biindi byo kuyandikira mwohe nga Microsoft Word, Google Docs kirigi kino kiliri kya kuyandika naho haliko kigweeti bingi. Kitayija kwo kishaaze yibyo bibaaja bihamu twadeta, haliko kino kiliri kya Kifuliiru.

Ikiindi kindu kiija twaboona, ku magambo maguma maguma agakola mwohe, umuyandika igaambo lye Kifuliiru linayamikuyereka agaandi mingi unatolage mwohe ngisi lyo wehe uloziizi.

Kino kibaaja kigweeti bingi, tugagenderera ukubikulikirana.